Pak mo je velo, cruise mo, jen tring is ol weg
Den buot is gan voarn moa je stoa ni up dek
Tis 'n kwestie van joarn totdaj 't zelve beseft
Dat die hiphop shit ni echt voe jon is weggelegd
Mo doedu best, 't klink lik ni ofdajt echt et
Dus doedu best, Molotova molt zeker u nest
Dus doedu best, ge bedoelet verzeker wel echt
Mo doedu best, ge moedet doen voe jezelvn en voe de west
Doedu best lik mc's die ol joarn bluvn meegoan
Up exodus noa West Vlamsche hiphop en meespoarn
Voe credits die de scene ier loater goan doen mjirwoardn
Ol da pioniern is 'n bitje lik pensioenspoarn
Damme goed woarn, goan ze loater zien in min bloedwoarn
Min DNA deurdrenkt me hiphop en vloeiboarn
Graffiti in min longn en nbitje van die snoeiwoarn
De testn zgoan 't bewizn, ze goan skrivn damme goed woarn

En 't zin der vele die 't probeern, mo 't zin der weinig die 't kunn
't Zin der vele die 't forceern, en niemand anders niet gunn
De mjiste kunn ni mee, ol vuorn da ze begunn
Ze kunn ier ol ni mee me widr dinge !

Jist waster Adam en Eva en ton kwam rap
Ton kwoamn ToxnAldi en ik peide boombap BAM
Recht in je mulle, Molotova goat eki zegn
Oarfin utlegn oe da we oeze flow bluvn legn
Widr zin de beste, fuck de reste kom oes testn
Tes ik en min stash en we mepn ze butn westn
'k Stoare mie oaf blind ip min nootn, Ray Charles
J&B in minnen boog, yup yup I'm a boss
En 'k proeve jist min lyrics vuorn da'k ze spitte
't Smak noa liquor en hits, doamee da'k dermee smitte
Rap e minnen drug, ik ben extreem versloafd
Iedern nuchtend injecteer ik ne cd in 't apparoat
Kzegge woarip dat stoat, we zin boazn, geef oes ploatn
Widr zin lekker vet en de reste es vé te moager
Loat moar ol min raps digesteern in je moage
Te lik ofdat e, we heersn 'n dag van vandoage

En 't zin der vele die 't probeern, mo 't zin der weinig die 't kunn
't Zin der vele die 't forceern, en niemand anders niet gunn
De mjiste kunn ni mee, ol vuorn da ze begunn
Ze kunn ier ol ni mee me widr dinge !

Te rudebwoi voe België, te gruot vo 't West Vlams
Trekket u ni an, widr trekn oezen plan
Die cholders van Ipr, 't zin 'n tandje de mann
Gif ze ne pit en drank en te fucking gank
Te nie oe swag daj marcheert, te nie oe gangster daj mankt
Te wukdaj presteert en woarnoar daj verlangd
Tes oedaj u amuseert tussn ritmes en klank,
de shit meepakt lik noa ne uogre rang
Bedankt voe de stank vo dank, mo check it man
West Vloandern i te warm, en tes ier dat brand
Oaj't echt ni ankan, jongne jankt er nie van
Gif mie 'n vrindlik and, en goa ton zjirre an de kant
Want van gelik wukne kant ziej vocaal angerand
Anbeland in toestand lik kunt echt ni mjir an
Ambetant angestrand in ne stoat van extoase en verlangn
Gif et nu, 'k wil et ard, 'k wil et lang

En 't zin der vele die 't probeern, mo 't zin der weinig die 't kunn
't Zin der vele die 't forceern, en niemand anders niet gunn
De mjiste kunn ni mee, ol vuorn da ze begunn
Ze kunn ier ol ni mee me widr dinge !